यथासांग रे कर्म तेंहि घडेना। |
घडे धर्म तें पुण्य गांठी पडेना॥ |
दया पाहतां सर्व भुतीं असेना। |
फुकाचे मुखी नाम तेंही वसेना॥१००॥ |
| जगीं धन्य वाराणसी पुण्यराशी। |
| तयेमाजि आतां गतीं पूर्वजांसी॥ |
| मुखे रामनामावळी नित्य काळीं। |
| जिवा हित सांगे सदा चंद्रमौळी॥९९॥ |
| हरीनाम नेमस्त पाषाण तारी। |
| बहु तारीले मानवी देहधारी॥ |
| तया रामनामीं सदा जो विकल्पी। |
| वदेना कदा जीव तो पापरूपी॥९८॥ |
मुखी नाम नाहीं तया मुक्ति कैंची। |
अहंतागुणे यातना ते फुकाची॥ |
पुढे अंत येईल तो दैन्यवाणा। |
म्हणोनि म्हणा रे म्हणा देवराणा॥९७॥ |
महाभक्त प्रल्हाद हा दैत्यकूळीं। |
जपे रामनामावळी नित्यकाळीं॥ |
पिता पापरुपी तया देखवेना। |
जनी दैत्य तो नाम मुखे म्हणेना॥९६॥ |
अजामेळ पापी वदे पुत्रकामे। |
तया मुक्ति नारायणाचेनि नामें॥ |
शुकाकारणे कुंटणी राम वाणी। |
मुखें बोलतां ख्याति जाली पुराणीं॥९५॥ |
तिन्ही लोक जाळुं शके कोप येतां। |
निवाला हरु तो मुखे नाम घेतां॥ |
जपे आदरें पार्वती विश्वमाता। |
म्हणोनी म्हणा तेंचि हे नाम आतां॥९४॥ |
जगीं पाहतां देव हा अन्नदाता। |
तया लागली तत्त्वता सार चिंता॥ |
तयाचे मुखी नाम घेता फुकाचे। |
मना सांग पां रे तुझे काय वेंचे॥९३॥ |
अती आदरें सर्वही नामघोषे। |
गिरीकंदरी जाइजे दूरि दोषें॥ |
हरी तिष्ठतू तोषला नामघोषें। |
विशेषें हरामानसीं रामपीसें॥९२॥ |
नको वीट मानूं रघुनायकाचा। |
अती आदरे बोलिजे राम वाचा॥ |
न वेंचे मुखी सांपडे रे फुकाचा। |
करीं घोष त्या जानकीवल्लभाचा॥९१॥ |
